aħbarijiet

October 24, 2019

Agius Saliba bi tħassib fuq miżuri eżistenti dwar il-migrazzjoni

“Is-soluzzjonijiet Ewropej eżistenti m’għadhomx addattati u certament mhumiex biżżejjed biex jindirizzaw l-kriżi attwali u l-isfidi li qegħdinnaffaċċjaw bħala Unjoni,” qal l-MPEAgius Saliba fil-Parlament Ewropew fi Strasburgu waqt dibattitu dwar it-tiftixu s-salvataġġ fil-Mediterran.

Fl-interventtiegħu il-MPELaburista appella lill-Kunsill Ewropew ulill-Kummissjoni Ewropeabiex jittieħdul-azzjonijiet neċessarji mill-aktar fis possibli, għal ġid ta’ kulħadd. “L-Unjoni Ewropea trid tqum u tindirizza din il-problema b’mod effettiv permezz tas-solidarjetà u permezz ta’ soluzzjoni Ewropea komuni.”

L-MPE Agius Saliba qal: “Is-sitwazzjoni m’għadhiex vijabbli. Fuq naħa waħda, għandna immigranti maqbuda f’ibħra miftuħa għal jiem sħaħ u bosta nies, inklużi tfal u nisa, li qegħdin jitilfu ħajjithom fil-Mediterran. Fuq in-naħa l-oħra, għandna ċittadini Ewropej li qed iħossuhom urtati u fl-istess ħin inkwetati għal mod li bih l-Unjoni Ewropea qiegħda tonqos milli taġixxi.”

Il-MPE enfasizza wkoll li l-pajjiżi fil-fruntieri huma affettwati direttament mill-immigrazzjoni, u huma ferm aktar vulnerabbli għal inċidenti li seħħewmatul tmiem il-ġimgħa li għadda fiċ-ċentru miftuħ ta’ Ħal Far, ġewwa Malta.

“Is-sitwazzjoni qed tkompli teskala u ma nistgħux nibqgħu ċassi u ninjoraw il-fatt li l-immigrazzjoni hija fost l-aktarpunti ta’ tħassib għaċ-ċittadini tagħna. Jekk nagħmlu hekk, nirriskjaw li jkollna żieda ta’ ideoloġiji estremisti, tixrid ta’ mibgħeda u vjolenza,” qal il-MPEAlex Agius Saliba.

L-MPEspjega wkollli l-kwistjonim’għandhiex tkun dwarjekk inkompluxinsalvaw in-nies jew inħalluhom jegħrqu fl-ibħra tagħna. Is-salvataġġ tal-ħajja tan-nies huwa obbliguumanitarju u morali, li ma jistax jiġi injorat.“Li għandna bżonn hu li nindirizzaw il-fatt li għandna nuqqas ta’ soluzzjonijiet Ewropej vijabbli u li nirrivedu l-pakkett Ewropew dwar l-Asil, għaliex bla dubju, ir-Regolamentta’ Dublin huwa l-kawża ewlenija għal din is-sitwazzjoni,” tenn jgħid il-Membru Parlamentari Ewropew.