Maħruġa mill-Uffiċċju tal-Komunikazzjoni tal-Partit Laburista

Beppe Fenech Adami għandu ħafna x’jispjega lill-Membri tal-Korpi Dixxiplinati 

Hu ironiku kif Beppe Fenech Adami indirizza konferenza tal-aħbarijiet biex jattakka promozzjonijiet li saru fl-Armata sitt snin ilu.

Kien ikun aħjar kieku Beppe Fenech Adami skuża ruħu talli ma daħħalx id-dritt ta’ sħubija f’Unions lill-korpi dixxiplinati kollha meta kien defacto Ministru tal-Intern.

Kien ikun aħjar li kieku Beppe Fenech Adami spjega  għala meta kien defacto Ministru tal-Intern, ma ħallasx l-over-time dovut lill-pulizija u kellu jkun dan il-Gvern biex jagħmel ġustizja mal-Pulizija

Kien ikun aħjar li kieku Beppe Fenech Adami jispjega x’għamel hu meta kien  responsabbli mill-Armata  u kellu akkumulati 288 ilment fuq promozzjonijiet .

Dan il-Gvern kellu jindirizza dawn  l-inġustizzji li saru taħt amministrazzjonijiet preċedenti permezz  ta’ ħatra ta’ Bord ta’ Inġustizzji.

B’rabta mar-rapport tal-Ombudsman, il-Ministeru tal-Intern diġa ta reazzjoni tiegħu li kienet inkluża fir-rapport innifsu u qed janaliżża l-kontenut tar-rapport kollu tal-PN

Li żgur ma jagħmilx il-Gvern hu li jattakka l-istituzzjonijiet , inkluż lill-istess Uffiċju tal-Ombudmsan li lura fl-2003 kien qal  ċar u tond li s-sistema ta’ promozzjonijiet taħt il-Partit Nazzjonalista ma kinitx ġusta u tagħti lok għal nuqqas ta fiduċja fl-Armata. Dakinhar l-ex Prim Ministru Eddie Fenech Adami kien qal li l-Ombudsman mhuwiex ġust arroganti u politiku.

IL-Partit Nazzjonalista tilef kull  kredibilta’ meta juża l-istess kantaliena u jattakka l-istituzzjonijiet b’xi mod jew ieħor. Dan mhux jgħidu l-Partit Laburista , iżda membri tal-PN stess. Kif ukoll l-Eurobarometer li  joħroġ li 77% tal-Maltin għandhom fiduċja fl-Armata.

Il-Gvern ser jibqa’ kommess biex il-membri tal-Korpi Dixxiplinati jibqgħu jiġu rispettati  kif jixirqilhom mhux bil-kliem, iżda bil-fatti.

Uffiċċju Komunikazzjoni

Partit Laburista