Għin
lill-Partit Laburista
August 1, 2019
Bil-PN il-prezz tal-fuel kien jiżdied ferm qabel u ferm iktar
Li kieku l-gvern kellu jadotta l-politika tal-Partit Nazzjonalista l-prezz tal-fuel kien ikun ilu li żdied u kien ikun ferm ogħla milli hu llum.
Bil-politika tal-gvern preżenti, il-prezz tal-fuel inżamm irħas mill-medja Ewropea u minkejja ż-żidiet li kien hemm fil-prezz internazzjonali, għal sena sħiħa l-prezz f’Malta inżamm stabbli. Dan filwaqt li f’pajjiżi oħra kien qiegħed jogħla.
Min meta nbidel il-Gvern fl-2013 il-prezz tal-petrol niżel b’għaxar ċenteżmi u dak tad-diesel bi tnax –il ċenteżmu. Dan irrifletta l-bidliet li kien hemm anke madwar l-Unjoni Ewropea.
B’kuntrast fi żmien Gvern Nazzjonalista l-prezz tal-petrol u d-diesel kien jiżdied ferm iktar minn kemm ikun żdied f’pajjiżi oħra. Għalhekk il-PN mhux kredibbli meta joqgħod jikkwota l prezzijiet internazzjonali. Għax meta l-prezz tal-petrol fl-Unjoni Ewropea żdied b’21% f’pajjiżna żdied bi 36% u meta żdied il-prezz tad-diesel b’35% fl-Unjoni Ewropea kien żdied bi 17%. U dan fl-istess żmien li l-poplu Malti u Għawdxi kien mgħobbi bl-iktar kontijiet għoljin tad-dawl u l-ilma, il-paga minima kienet iffriżata u l-istess il-pensjonijiet.
Filwaqt li l-Partit Laburista jħeġġeġ lill-gvern jieħu l-miżuri kollha meħtieġa biex ikompli jigarantixxi prezzijiet li jkunu orħos mill-medja Ewropea u jwieżen lill-familji Maltin u Għawdxin bil-miżuri li jieħu minn żmien għal żmien, jinnota kif l-aħħar li jista’ jitkellem fuq piżijiet huwa l-Partit Nazzjonalista. Għax qatt daqs meta kien qed imexxi hu, ftit tas-snin ilu biss, ma l-familji Maltin u Għawdxin kellhom piżijiet.
Ibgħat id-domanda parlamentari li tixtieq titressaq minn deputat tal-Partit Laburista.
Biex tivvota trid tkun fir-reġistru elettorali. Iċċekja hawn jekk tinsabx fir-reġistru elettorali.
Agħmel kuntatt mal-Uffiċċju tal-Komunikazzjoni tal-Partit Laburista billi tgħafas hawn.
Il-Partit Laburista huwa regolat minn statut. Ara kopja tal-istatut billi tgħafas fuq il-link hawn taħt.