Skip to content

Jekk tassew jemmen li  kulħadd għandu jkollu saqaf fuq rasu, il-Kap tal-Partit Nazzjonalista Adrian Delia għandu jieqaf jitkellem mod meta jkun mal-NGOs u mod ieħor meta ma jkunx magħhom.

Fuq kollox għandu jappoġġja l-protezzjoni bażika li tagħti l-liġi tal-kera proposta mill-gvern u mhux joħroġ kontra tagħha għax wara li deher li jaqbel kien hemm min seta’ opponija.  Mhux ta’ b’xejn li għaqdiet li jaħdmu fil-qasam soċjali qalu li huma perplessi bl-attitudni tiegħu. Għax jitkellem skont quddiem min ikun.

Fuq kollox dan il-gvern ħadem u qed jaħdem bis-sħiħ biex kulħadd ikollu proprjetà xierqa fejn jgħix. Grazzi għall-ambjent ekonomiku qawwi  u inċentivi li ta l-gvern ħafna iktar nies saru sidien ta’ djarhom kif ippruvat fl-istudji tal-NSO.

Fl-istess ħin, dawk li għadhom ma waslux għal dan qed ikunu mgħejjuna b’allowances ikbar u għaddej bħalissa wkoll l-ikbar proġett ta’ bini ta’ housing soċjali f’ħafna snin.

Illum, il-pajjiż irid jgħamel tajjeb għas-snin li nħlew taħt gvernijiet nazzjonalisti fejn il-prijoritajiet kienu ta’ taħt fuq u bid-defiċit jiżdied l-għajnuna naqset. In-nies jafu li dan il-gvern għandu pjan li l-frott tiegħu diġa’ beda jidher u mistenni jikber fi żmien li ġej.

Aqsam ma' ħaddieħor

Share on facebook
Share on twitter
Share on linkedin

ATTIVITAJIET

PARTIT LABURISTA
2022