Skip to content

Maħruġa mill-Uffiċċju tal-Komunikazzjoni tal-Partit Laburista    

 

Delia m’għad għandu ebda kredibbiltà

 

Il-Kap tal-Oppożizzjoni Adrian Delia llejla sejjaħ konferenza tal-aħbarijiet biex jitkellem dwar allegazzjonijiet li issa ilhom fuq rasu sa minn qabel laħaq Kap tal-Partit Nazzjonalista. Kważi sena u nofs wara li l-allegazzjonijiet dwaru feġġew għall-ewwel darba ħareġ jgħid li d-dokumenti fejn hemm firem tiegħu huma foloz.

Li  kieku Adrian Delia talab inkjesta dwaru nnifsu minnufih u meta appelawlu ħafna, sal-lum forsi nafu l-verità. Iżda, Delia qatt m’għamel xejn konkret biex inaddaf ismu.

Fuq kollox qed jerġa’ joħroġ kemm Adrian Delia mhux bniedem kredibbli. Wara xhur jistrieħ fuq dokumenti leaked tal-FIAU u artikli fil-gazzetti għall-argumenti politiċi tiegħu llum kiteb lill-Kummissarju tal-Pulizija biex jinvestiga l-istess għejjun ta’ informazzjoni li meta setgħu ppontaw lejn ħaddieħor hu rikeb fuqhom, użahom u saħansitra sejjaħ għar-riżenji.

Bħal dejjem il-Partit Laburista jinnota li jekk hemm investigazzjonijiet xi jsiru għandhom isiru f’serenità u jikkummenta ladarba jkunu konklużi.

Iżda, illum huwa ċar li kif qalulu nies mill-PN stess Delia mhux denju tal-kariga li jokkupa. Jekk xejn għax ma baqagħlux nitfa’ kredibbilta.

 

Uffiċċju Komunikazzjoni  

Partit Laburista  

 

Aqsam ma' ħaddieħor

Share on facebook
Share on twitter
Share on linkedin