Skip to content

aħbarijiet

December 17, 2019

Delia jikkonferma l-gidba ta’ sħabu u jippreġudika l-investigazzjonijiet 

Il-pubblikazzjoni b’mod sħiħ tal-inkjesta Egrant tista’ biss tikkonferma dak li ħareġ mill-konklużjonijiet li kienu diġa’ ppubblikati. Fi kliem sempliċi dak li l-qlajja li Egrant kienet tal-familja tal-Prim Ministru kienet l-ikbar frame up politiku fl-istorja politika. Frame up politiku li wieħed mill-arkitetti tiegħu kien Simon Busuttil.

 

Kien għalhekk li l-Prim Ministru qatt ma kellu problema jippubblikah għalkemm fl-aħħar xhur stenna l-eżitu ta’ kawża li fetaħ l-istess Adrian Delia.

 

Minnufih il-Prim Ministru beda proċess biex il-pubblikazzjoni ssir b’mod li ma tippreġudikax l-investigazzjoni u jkunu mħarsa d-dettalji ta’ persuni li m’għandhomx x’jaqsmu xejn mal-każ.

 

Iżda, Adrian Delia ma riedx jistenna dan il-proċess. Dan għax irid jippreġudika l-investigazzjonijiet, fost oħrajn biex jiddefendi l-ħażen fil-Partit Nazzjonalista li ħoloq u mexxa ‘l quddiem dan il-frame up politiku.

 

Adrian Delia se jkun qed jippreġudika wkoll investigazzjonijiet oħra meta suppost jgħid li jrid ġustizzja u ta’ dan se jiġi żmien li jrid jerfa’ r-responsabbiltà.

 

B’li għamel illum Delia se jkun ta l-konferma li Egrant kienet gidba, iżda se jkun qed iħares lil min ħoloqha. Se jkun qed jippreġudika wkoll il-kors tal-ġustizzja. Delia wera li l-partiġjaniżmu jġibu qabel is-saltna tad-dritt u l-istituzzjonijiet.

 

Aqsam ma' ħaddieħor

Share on facebook
Share on twitter
Share on linkedin