Il-Partit Laburista ngħata sinjal ta’ appoġġ mill-poplu Malti u Għawdxi b’€516,896 f’donazzjonijiet. F’maratona ġbir ta’ fondi ta’ kważi tmien sigħat kienu mijiet il-persuni li żaru ċ-Ċentru Nazzjonali Laburista. Eluf oħra ċemplu bid-donazzjoni tagħhom filwaqt li għexieren ta’ volontiera għamlu din il-maratona possibbli.

Il-Prim Ministru Joseph Muscat u s-Sinjura Michelle Muscat tkellmu dwar l-esperjenza tagħhom tul l-aħħar ħdax il-sena li matulhom Joseph Muscat kien qed imexxi l-Partit Laburista. Il-Prim Ministru, li kien qed jattendi għall-aħħar maratona tiegħu bħala Mexxej, ħa l-okkażjoni biex jiltaqa’ ma’ dawk preżenti filwaqt li mal-kontestanti għat-tmexxija tal-Partit Laburista wieġeb it-telefonati.