Skip to content

aħbarijiet

January 28, 2020

Ikun aħjar li Casa u Metsola jaħdmu f’isem Malta milli f’isem l-interess partiġġjan tagħhom

Filwaqt li l-Prim Ministru Robert Abela qed jitkellem mal-istituzzjonijiet kollha Ewropej sabiex ikompli jwassal il-messaġġ li Malta qed taħdem qatigħ favur is-saltna tad-dritt u l-Governanza tajba u dan billi ttieħdu numru ta’ mizuri konkreti, il-membri Parlamentari Ewropej tal-Partit Nazzjonalista, f’okkażjoni fejn setgħu wrew l-id tal-ħbiberija u l-kooperazzjoni, għażlu li jippolitiċiżaw laqgħa mitluba mill-Prim Ministru bħala sinjal ta’ rieda li jkun hemm aktar djalogu magħhom.

Il-Membri Parlamentari Ewropej Nazzjonalisti David Casa u Roberta Metsola ma laqgħux lanqas it-talba li għamel il-Prim Ministru li l-laqgħa tal-lum ma ssirx bejn il-MPE tal-Partit Laburista u dawk tal-Partit Nazzjonalista iżda bħala Membri Parlamentari Ewropej Maltin flimkien.

Ikun aħjar li Casa u Metsola jneħħu l-għamad politiku minn quddiem għajnejhom fi żmien fejn ittieħdu d-deċiżjonijiet u se jkomplu jittieħdu d-deċiżjonijiet, anke dawk iebsa.

Spiċċa ż-żmien li Casa u Metsola jġibu l-interess partiġġjan qabel dak Nazzjonali.

Aqsam ma' ħaddieħor

Share on facebook
Share on twitter
Share on linkedin