Skip to content

aħbarijiet

March 1, 2019

Il-Ġimgħa, 1 ta’ Marzu 2019

Maħruġa mill-Uffiċċju Komunikazzjoni tal-Partit Laburista   

 

Malta Ħielsa. Malta Suċċess.

 

Din hi t-tema li l-Partit Laburista għażel għax-xahar ta’ Marzu.

Tema li ssellem il-kisba importanti tal-Ħelsien erbgħin sena ilu.  Tema li tfakkar l-mixja li għamel il-poplu Malti u Għawdxi tul is-snin. Tema li  timmarka s-suċċess li pajjiżna qed jagħmel illum il-ġurnata.

F’messaġġ fuq il-paġna facebook tal-Partit Laburista f’bidu tax-xahar li se jfakkar din il-ġrajja importanti, il-Prim Ministru tenna li din kienet waħda mill-ikbar sfidi li l-poplu Malti qatt daħal għalihom.

“Minn ekonomija bbażata fuq il-militar u l-ħtiġijiet tal-barrani għażel li jitlaq għal rasu anke jekk kien jaf li l-bidu seta’ ma kienx faċli. Iżda, emmen f’Malta. Illum 40 sena wara Malta pajjiż indipendenti u ħieles u f’ħafna affarijiet mal-aqwa jekk mhux l-aqwa fl-Unjoni Ewropea,” qal il-Prim Ministru.

Il-Prim Ministru ħeġġeġ lill-Maltin u l-Għawdxin kollha biex jieħdu sehem fl-attivitajiet li qed jorganizzaw il-Partit Laburista u l-moviment li nbena madwaru. Iżda mhux biss.

“Inħeġġeġ lilna lkoll biex inżommu ġo fina l-ħeġġa għall-bidla li illum reġa’ għandna daqskemm kellhom il-Maltin u l-Għawdxin ta’ 40 sena ilu,” kompla l-Prim Ministru.

Tkellem ukoll dwar il-mod kif fl-aħħar snin il-poplu Malti ġedded il-Ħelsien b’iktar opportunitajiet u drittijiet.

“Fi żmien li ġej nistgħu niksbu ferm iktar flimkien biex Malta ta’ Għada tibqa’ mhux biss ħielsa iżda tkun saħansitra iktar suċċess,” temm il-Prim Ministru.

 

Filmat:https://www.facebook.com/partitlaburista/videos/554411748404315/

 

Uffiċċju Komunikazzjoni

Partit Laburista

 

Aqsam ma' ħaddieħor

Share on facebook
Share on twitter
Share on linkedin