Il-Gvern għandu pjan mifrux biex inaqqas it-traffiku u l-limitu fuq l-użu tal-vetturi la qatt kien u lanqas hu parti minnu.

Dan kien iddikjarat kemm -il darba u din il-pożizzjoni baqgħet ma nbidlitx.

Fuq kollox huwa evidenti għal kulħadd li l-pjan tal-gvern biex jindirizza l-isfida tat-traffiku huwa li jinvesti b’mod rekord fl-infrastruttura tal-pajjiż. Dan billi jagħmel xogħol li f’25 sena ta’ gvernijiet nazzjonalisti ma sarx.  Ittieħdu wkoll miżuri bla preċedent bħal transport pubbliku b’xejn lill-eluf ta’ persuni.

Meta l-Partit Nazzjonalista jipprova jirkeb fuq l-għeluq ta’ toroq għall-ftit jiem jew affarijiet oħra li mhumiex parti mill-politika tal-gvern juri kemm il-Partit Nazzjonalista m’għandux fuqhiex jikkritika l-gvern.

Fiċ-ċirkostanzi jkun aħjar li jiddikjara hu x’politika jrid għall-ġejjieni, ladarba kull meta l-gvern ikun qed iwettaq proġett infrastrutturali joħroġ jopponi.