Skip to content

B’referenza għal artikoli ppublikati fuq il-mezzi soċjali, il-Partit Laburista jixtieq jikkjarifika t-trasparenza assoluta b’rabta mar-reġistru elettorali.

 

Il-Partit Laburista jagħmilha ċara li s-sistema tal-IT msemmija mhix l-istess sistema li għandu l-Partit Laburista. Għall-kuntrarju, dik is-sistema qatt ma kienet tal-PL. Il-Partit Laburista għandu s-sistema tiegħu li hija kkontrollata b’mod intern u l-kumpanija kif ukoll id-Direttur imsemmija qatt ma kellhom konnessjoni mal-istess sistema.

 

Il-Kummissjoni Elettorali għandha l-obbligu li tgħaddi l-informazzjoni kollha aġġornata li tiġbor biex tikkompila r-reġistru elettorali b’mod elettroniku lill-partiti politiċi bil-għan li jassiguraw li l-proċess elettorali jkun wieħed trasparenti. L-istess informazzjoni tittieħed kemm mill-PL kif ukoll mill-PN.

 

Dan ifisser li l-informazzjoni li l-Partit Laburista jżomm, tiġi għandu skont il-liġi. Il-PL dejjem qagħad attent kemm qabel daħlu r-regoli l-ġodda tal-GDPR (Mejju tal-2018)  kif ukoll wara, b’konforma mal-liġijiet tal-pajjiż.

Aqsam ma' ħaddieħor

Share on facebook
Share on twitter
Share on linkedin