aħbarijiet

April 1, 2019

Il-Partit Laburista jilqa’ l-atleti Maltin tal-ispecial olympics ġewwa ĊNL

Maħruġa mill-Uffiċċju tal-Komunikazzjoni tal-Partit Laburista

Il-Partit Laburista jilqa’ l-atleti Maltin tal-ispecial olympics ġewwa ĊNL

Il-Partit Laburista awgura l-atleti Maltin tal-ispecial olympics għas-suċċess u l-unur kbir li għamlu lil pajjiżna f’Abu Dhabi fil-logħob tal-Olimpjadi speċjali ftit tal-jiem ilu.

Id-Deputat Prim Ministru u Deputat Mexxej għall-Affarijiet tal-Parlament, Chris Fearne irringrazzja lil dawn l-atleti għall-parteċipazzjoni tagħhom. “Li tieħu sehem importanti imma li tirbaħ importanti wkoll. Prosit lil dawk kollha li rebħu u dawk le. Inħossni kburi bikom u bl-unur li għamiltu lil pajjiżna u lilkom infuskom.”

L-atleti kienu preżentati tifkira ta’ flokk bis-sentenza ’Meet the determined’ miktuba li tirrifletti d-dedikazzjoni u s-sagrifiċċju li għamlu dawn l-atleti biex kisbu dawn ir-riżultati.

Il-Kap Eżekuttiv tal-Partit Laburista, Randolph De Battista sostna li “dak li għamiltu intom ħa jibqa’ mniżżel. Li tikseb 40 midalja f’kompetizzjoni daqstant diffiċli huwa tassew unur għal dil-gżira f’nofs il-Mediterran.”

Il-President tal-Ispecial Olympics Malta, Michelle Muscat qalet li “dawn ir-riżultati huma sbieħ ħafna.  Erba’ snin oħra jaslu u dan ir-riżultat irridu mhux biss inżommuh imma wkoll inkabbruh.”

Uffiċċju Komunikazzjoni

Partit Laburista