Il-Partit Nazzjonalista ta’ Bernard Grech, permezz tal-kelliem tiegħu Edwin Vassallo huwa kontra l-ogħti tal-vawċers li ngħataw lill-poplu Malti u Għawdxi hekk kif kien imħabbar fil-pjan ta’ riġenerazzjoni ekonomika.

Dawn il-vawċers li ġġeneraw mat-€52 miljun għan-negoziji Maltin u Għawdxin, kienu importanti sabiex jiġi ġġenerat dħul fi żmien fejn għaddejjin minn kriżi globali kawża tal-imxija Covid-19 u permezz ta’ hekk setgħu anke jiġu ssalvagwardjati l-impjiegi tal-ħaddiema tagħhom.

Sal-aħħar ta’ Ottubru d-data ta’ skadenza għall-użu tal-vawċers, l-inizjattiva se tkun qed tinjetta €65 miljun fl-ekonomija.

Minkejja li kienu bosta n-negozjanti u sidien tal-ħwienet li tkellmu b’mod apert kemm dawn il-vawċers ħallew effett fuq il-bejgħ tagħhom, xorta waħda d-Deputat ta’ Grech, Edwin Vassallo, sejjaħ din il-miżura bħala ‘tal-mistħija’.

Huwa ċar li bħal mexxeja li ġew qablu, Grech m’għandu l-ebda kredenżjali fis-settur ekonomiku.

Il-poplu Malti u Għawdxi u n-negozji qed jaqblu li dan huwa Gvern li qed jieħu ħsieb li nerġgħu nitilqu niġru u l-baġit li jmiss se jkun prova ta’ dan.