Skip to content

aħbarijiet

March 6, 2019

Il-PL jilqa’ l-pożizzjoni tal-PN dwar in-nomina ta’ George Vella

Maħruġa mill-Uffiċċju Komunikazzjoni tal-Partit Laburista   

 

Il-PL jilqa’ l-pożizzjoni tal-PN dwar in-nomina ta’ George Vella

 

Il-Partit Laburista jilqa’ d-dikjarazzjoni tal-Kap tal-Oppożizzjoni, Adrian Delia, li qal li l-grupp parlamentari tal-Partit Nazzjonalista se jkun qed jivvota favur in-nomina ta’ George Vella bħala l-għaxar President tar-Repubblika ta’ Malta.

Ir-reazzjoni mis-soċjetà fl-aħħar sigħat ikkonfermat kemm l-għażla ta’ Vella kienet waħda xierqa b’mod partikolari minħabba l-integrità u l-esperjenza tiegħu.

Il-Partit Laburista jinnota wkoll l-argumenti politiċi u partiġjani li għamel Delia llejla.

Iżda, f’dan il-mument il-Partit Laburista se jgħażel li ma jidħolx f’battibeki ta’ natura partiġjana. Minflok il-poplu għandu jieħu gost bl-appoġġ unanimu li se jkun qed jikseb il-President il-ġdid tar-Repubblika.

 

Uffiċċju Komunikazzjoni

Partit Laburista

 

Aqsam ma' ħaddieħor

Share on facebook
Share on twitter
Share on linkedin