aħbarijiet

July 31, 2020

Il-Vittma vs Il-Bully

Il-Vittma vs Il-Bully

Jiena l-Viċi Sindku ta’ Hal Tarxien li wieħed mid-dekasteri li jaqgħu taħt ir-responsabbilta’ tiegħi huwa l-qasam soċjali. Din hija l-ewwel sena tal-legislatura tiegħi fil-kunsill fejn bdejt naħdem mill-bidu nett fuq  dan il-proġett għax nemmen li mhux kulħadd hu kapaci juri l-weġgħat li jkun għaddej minnhom. Irrid inkun il-leħen ta’ dawn in-nies vulnerabbli għax nemmen u nħoss il-karba ta’ min għandu bżonn l-għajnuna. Mhux vera li hemm sess partikulari min jista jkun il-vittma jew il-bully; Jekk hux tfal, adulti jew anzjani. Iktar il’quddiem ser ikun qed norganizza flimkien mal-Kunsill Lokali ta’ Hal-Tarxien attivita’ fejn irrid li leħen il-vittma jinstema’ u jkun jista’ jqum fuq saqajh flimkien ma’ entitajiet non governattivi li għandhom x’jaqsmu f’dan is-settur soċjali.

Il-Vittma

Xi jġiegħel lil vittma biex jiġi maħkum mill-bully abbażi ta’ kultura, sess, diżabilta’,reliġion,politika,drogi.Kemm hi diffiċli biex jegħleb il-biża li tkun inbniet fih li huwa persuna kapaci jaħseb, jesprimi ruħu ta’ dak kollu li jkun għaddej minnu tant li hemm każijiet li jispiċċaw jaqgħu fid-dipressjoni.

It-tfal minn eta’ zgħira ħafna wkoll jistgħu jkunu vittmi anke fl-iskejjel stess speċjalment li l-iskejjel lum il-ġurnata hemm kulturi u reliġjonijiet differenti.

Illum il-ġurnata ż-żgħażagħ tagħna għandhom sfidi kbar mod speċjali fejn jidħlu użu tad-drogi,alkoħol eċċessiv u sess bla rażan u protezzjoni. Il-grupp li jkunu jiffrekwentaw u jkunu qed jiġu nfluwenzati ħafna b’dan il-mod u jekk xi ħadd ma jkunx irid jesperimenta ma jkunx aċċettat minhom.

Għad hawn min jibza juri x’inhi l-orjentazzjoni sesswali tiegħu b’mod speċjali il-biża li ma jiġux aċċettati mill-membri tal-familja tagħhom u mis-soċjeta’.

Hemm vittma li jgħixu mdejjqa u mbezza fil-familja tagħhom stess u jibzgħu fuq dak li ha jgħidu n-nies, jew jekk iż-żwieġ jitkisser jaħsbu li jkun tort tagħhom għax għandhom jibqgħu kwieti fis-sitwazzjoni li jkunu qed ibatu b’ psikoloġikament jew emozzjonalment.

Dawk l-anzjani li jgħixu waħidhom ukoll hemm sitwazzjonijiet li jkunu vittmi. Ikun hemm persuni viċin tagħhom li jħedduhom biex jagħtuhom il-flus u jħallu dak l-anzjan/a waħdu fis-solitudni. Iżda jibża jitkellem.

Il-Bully

Min hu l-bully? Il-bully jista jkun kulħadd, ma hemmx sess. Tista tkun regħba għal-flus, kburija biħ innifsu,poter, jieħu l-kontroll tal-persuna f’idejh. Jahseb li huwa persuna infalibbli.

Il-bully huwa assoċċjat li huwa raġel, imma le mhux il-każ. Hawn każijiet li anke nisa huma il-bully u ma tantx nisimgħu bihom. Fejn tidħol familja il-bully ikun irid kontroll assolut tal-familja tiegħu anke dak finanzjarju u ħadd qatt ma jista jmur kontra x-xewqa tiegħu. Jekk xi ħadd imur kontra rieda tiegħu iwarrbu minn ħajtu daqs li kieku qatt ma kien jezisti.

Jaħseb li kull deċiżjoni li jieħu huwa infallibli u dejjem għandu raġun. Ma jafx jiskuza ruħu għax hu qatt ma jiżbalja. Jekk il-vittma jipprova jqum fuq saqajh u jiġġieled għad-drittijiet tiegħu jaf ikun hemm l-abbuz fiżiku u dak morali biex b’hekk il-vittma tħossha li għandha bżonnu.

QATT MA HU TARD…. HU ĦSIEB TIEGĦEK INNIFSEK….LUM QABEL GĦADA GĦAX JAF IKUN TARD WISQ….

Darlene Vella

LEAD Participant