Skip to content

Il-Partit Nazzjonalista jrid jiddeċiedi fejn qiegħed fuq il-proġett tal-mina bejn Malta u Għawdex u jieqaf iġib skużi li ma jagħmlux sens bil-għan li jipprova jintogħġob ma’ kulħadd.

L-istudji li rrefera għalihom illum il-Partit Nazzjonalista ilhom ippubblikati x-xhur. Tant li b’sempliċi ‘search’ online wieħed isibhom fil-website ta’ Transport Malta.

B’hekk mhu minnu xejn dak li qal il-Partit Nazzjonalista li ebda studju ma ġie ppubblikat. Għall-benefiċċju ta’ Adrian Delia din hija l-link għall-istudji li huma diġa’ lesti: https://www.transport.gov.mt/strategies/research-reports-studies/malta-gozo-fixed-link-2880

L-istqarrija tal-lum turi kif il-Partit Nazzjonalista għandu problema kbira. Dik li mhux gwidat minn dak li jemmen u għalhekk jibdel il-verżjoni l-ħin kollu skont ma’ min ikun qed jitkellem. Wara li wiegħed il-mina fil-manifesti elettorali u vvota favuriha fil-Parlament, issa jrid isib skuża biex jintogħġob ma’ min forsi ma jaqbilx magħha.

Iżda, dan wasslu f’punt tant redikolu li talab li jkunu ppubblikati studji li diġa’ qegħdin online. B’dan il-mod il-Partit Nazzjonalista ma jistax jittieħed bis-serjetà. Bħal kulħadd, anke l-Għawdxin jafu fejn qegħdin mal-gvern immexxi mill-Partit Laburista. Il-gvern ingħata mandat għall-mina bejn iż-żewġ gżejjer u qed jaħdem għaliha.

Aqsam ma' ħaddieħor

Share on facebook
Share on twitter
Share on linkedin